Á Djúpavogi

má finna öflugt og fjölbreytt íþróttastarf. Þar er líka aðstaða til íþróttaiðkunar mjög góð og er vel nýtt af Ungmennafélaginu Neista sem og öðrum íbúum á Djúpavogi. Á veturnar fara flestar Neistaæfingar fram inni í íþróttamiðstöð Djúpavogs og reynir félagið eftir fremsta megni að bjóða uppá íþróttastarf fyrir alla. Síðasta vetur var megin áhersla lögð á fótbolta, frjálsar, badminton, körfubolta og blak. Aðstaða til sundiðkunar er til fyrirmyndar á Djúpavogi og hefur Neisti alltaf reynt eftir fremsta megni að halda úti sundstarfi í einhverri mynd. Þá þykir fótboltavöllurinn á Djúpavogi eða Neistavöllur vera algjörlega frábær og er hann líka táknrænn fyrir samheldni íbúa á Djúpavogi og sögu Ungmennafélagsins Neista.